L’Aragón desconoixiu en a historia internacional, Papa Luna en Avinyón (Provenza-Occitania)

IMG_20170414_170958~2Trobar-te con referencias a Aragón en uno d’os palacios más importants d’a Europa d’o sieglo XIV, en Aviynón, no ye casualidat. En ye uno d’a milenta d’eixemplos que te trobas por toda Europa. Manimenos, a indiferencia d’os foranos ye quasi comparable a o desconoiximiento con que os aragoneses/as nos hemos formau. O brinco a l’ambito internacional ye encara vetato por as escuelas y os medios aragoneses. Un apagón mediatico que no deixa pasar a Aragón de l’ambito peninsular.

En iste caso una inscripción en latín “ARAGONIA” entre os repuis d’os murals que decoraban o palacio, en as paretz que veyoron vivir a unos d’os zaguers Papas con residencia en Avinyón, Benedicto XIII, Papa Luna de Illueca (Aragón).IMG_20170414_173901~3

No ye que me faiga goyo d’estudiar y remarcar a historia cristiana. Pero cal dicir que Aviynón yera ta par d’alavez unos d’os tres puestos d’o mundo de más importancia pa o catolicismo, chunto con Roma y Cherusalem, y por consiguient d’influyencia en o poder mundial.

Estió residencia d’os papas dende 1309 dica 1377, quan a ciudat se trobaba baixo o gubierno d’os reis de Sicilia. En 1791 a seu episcopal estió incorporada a Francia mientres a Revolución francesa.

Contino meto a lista d’os nueu papas que residioron aquí en iste periodo, clamando-se como o Papado d’Avinyón. En rematar iste periodo prencipiaría en 1378 o Gran Cisma d’Occident que no remataría dica 1417. En una d’as milenta cambras que pueden estar visitadas en o palacio d’a seu episcopal, podemos veyer o retratos de totz os papas que vivioron aquí:

Clemente V, Juan XXII, Benedicto XII, Clemente VI, Inocencio VI, Urbano V, Gregorio XIIMG_20170414_182750~2

De totz ye sabiu as trabetas con que se troboron os dos papas siguients Clemente VII y Benedicto XIII (antipapas) pa continar con o suyo mandato. Clemente VII remanió en Avinyón mientres o suyo pontificau 1378-1394 y Benedicto XIII i vivió dica que fuyó enta Aragón fixando la suya residencia en Penyiscola, do murió a los suyos 96 anyos en 1423. Avinyón heba estada seu episcopal dende l’anyo 70 Dc y esdivinió en Arzobispau en 1476.

Gregorio XI ya habió de fuyir enta Roma, acompanyau por o Pedro Martínez de Luna, alavez o suyo cardenal, y quan yera aprestando a tornada enta Avinyón por os conflictos en Roma iste murió.

Ye de totz sabiu lo que pasó en o conclave pa trigar a o sucesor de Gregorio XI en abril de 1378. Con nomás a presencia de 16 d’os 22 cardenals electors, ya que no se asperó a la plegada d’os que veniban de Avinyón. Os cardenals yeran dividius en lemosins, galicanos y italianos, cadagún con os suyo candidato. Nomás Pedro de Luna y Roberto de Chinebra yeran consideraus neutrals. Pero Roma con miedo por un Papa veniu dende Francia s’estimaba más un papa romano.

IMG_20170414_165425~2

Continua llegint

Publicat dins de Uncategorized | Deixa un comentari

Perpinyán (Rossellón)

IMG_20170416_125114~2Teneba intrés en respirar l’ambient minorizau de la atro costau d’os Pirineos mediterranios. En conoixer cada vegada millor a situación d’Iparralde, me intrigaba saber qué serían fendo os nuestros chirmans catalans en l’administración francesa.

He quiesto fuyir de terminos irreals, y de recient creyación como PP.CC. u Catalunya Nord, popularizaus y creyaus en as aIMG_20170416_135724~2nyadas 30-60, pero sin mica tradición historica ni asentamiento entre a población.

O Rosellón catalán pasó a formar parte de l’administración francesa a partir de 1659, dimpués d’o tractau d’os Pirineos en que se trestallaba a cordillera pirinenca en dos. Siempre he leyiu historias sobre ista división, en a famosa isla Irunesa d’os Faisans, y as conseqüencias que tenió en Iparralde, pero a verdat ye que en puestos como iste, u a Cerdanya catalana, tamién en tenió.

O bayo aragonés se deixa veyer en iste territorio, y ye que fació parti d’a Corona d’Aragón dende l’anyo 1172, con a intermitencia d’a creyación d’o Reino de Mallorca, quan Chaime I cedió o territorio a o suyo fillo Chaime II de Mallorca creyando o reino d’iste nombre chunto con as islas Balears. Ya en 1349 tornaría a la Corona d’Aragón con Pedro IV dica la suya inclusión en l’administración francesa con o nombrau tractau d’os Pirineos en 1659.

A mía visita, ista vegada, no pasaría d’a suya capital Perpinyán, por lo que no voi a opinar d’a resta d’o dominio lingüistico catalán en Francia, pero si que me Continua llegint

Publicat dins de Uncategorized | Deixa un comentari

ANGLATERRA Y PORTUGAL, una alianza milenaria (O PORTO)

img_20170106_1757462Nunca no i heba pensau antes, porque as noticias a las quals nos tienen feitos os medios espanyols no deixan pensar en una estratechia internacional portuguesa diferent a l’espanyola. Pero tot caminando entre as carreras d’a marguin cucha d’o Douro en o Porto, pareix trasladar-te enta l’Anglaterra industrial d’o sieglo XVII. Y ye que quan en 1678 Inglaterra y Francia dentran en guerra, producindo a conseqüent sequera de vin en o Reino Britanico, Anglaterra recurrió a os vins de Portugal, o suyo gran aliau mientres tres sieglos.

Antesmás a rechión d’o Douro, y Portugal, yera conoixida por os suyos vins, tintos y blancos, encara que yeran poco consumius difuera de Portugal. En 1678 comerciants de Liverpool adoptoron una tecnica empleagada en o monasterio de Lamego pa modificar o vin. Ista tecnica consiste en adhibir brandy a o vin mientres a fermentación, trencando asinas o proceso de fermentau. O resultau ye un vin con mayor conteniu d’alcohol (dica 25º G.L) y con una sabor mas dulza, debiu a o zucre remanent que no remató de fermentar-se. Muitos d’os barrals emplegaus en a fermentación d’iste vin se ferán dimpués servir pa dar-le a color caracteristica d’os whiskys escoceces.

L’exito d’ista mena de vin en Gran Bretanya levó a l’establecimiento de bellas casas vinicolas en Portugal, d’orichen britanico. A mayoría d’ellas posadas en a marguin cucha d’o Douro. Pa o sieglo XVIII bi heba un monopolio britanico de facto sobre a producción de “oporto”. Iste monopolio duró dica la fundación d’a Companhia Velha, Continua llegint

Publicat dins de Uncategorized | Deixa un comentari

Québec y a suya revolución tranquila d’os 60’s dica hue

img_11642Tot lo mundo que en haiga quiesto estar informau, y más en zagueras, d’os procesos de “dreito a decidir” y referéndums a tot arreu d’o mundo, bella vez s’habrá mirau l’eixemplo de Québec y Canadá.

Los suyos referéndums d’autodeterminación en 1980 y 1995 son tot un sinyal de normalidat democratica. Fruito d’unas eleccions locals, an que un nacionalista “Parti Québécois”, liderau por o carismatico René Lévesque, ganó por mayoría en 1976.

A exclusión economica d’os francoparlants img_11412en Québec, estió considerada siempre un problema en l’antiga colonia francesa dica las reformas de 1960, a clamada “Révolution Tranquile”. O que alavez yera ministro de Québec, Jean Lesage, proponió a nacionalización d’a producción electrica. O gubierno creyó interpresas y bancas nacionals, y dimpués imposó lechislación pa reconoixer o dreito de treballar en francés.

En 1948 s’aprebó l’actual sinyal de Québec como oficial, y a luenga francesa sería cooficial, chunto a l’anglés, en Canadá dende 1968. En 1976 ganó as eleccions o “Parti Québécois”, de René Lévesque, qui empentaría a Lei 101, por a qual o francés sería l’unica luenga oficial de Quebec. En 1980, o referéndum d’independencia amostró un resultau negativo, con un 59.6% de votos en contra. Manimenos, ya de nuevas en o poder en 1995, tornó a convocar un referéndum d’independencia o 30 d’octobre, do o No a l’independencia ganó por nomás 54.000 votos y un 50,4% de sufrachios, con una participación que superó o 90% d’o censo electoral.

O 27 de noviembre de 2006, o parlamento canadiense, con o refirme d’o partiu en o gubierno, reconoixió a os “québécois” como “nación dentro d’un Canada uniu” en una prebatina d’aturar os deseyos secesionistas d’os partius independentistas; encara que en un sentiu cultural y social, y no pas legal.

img_09282Asinas, a provincia de Québec tiene atras 10 nacions de indichenas y inuit, reconoixius como tals por a suya Asambleya Nacional en a epoca de René Lévesque, y son tamién reconoixidas por o gubierno federal (As Primeras Nacions). Atras nacions en a provincia d’o Québec podrían tamién estar reconoixidas, como los “métis”, anglo-quebequeses.

Lo zaguer 6 d’octobre a Radio Televisión publica Canadiense, ICI RDI, en a suya desconexión “québécois”, estrenaba un documental feito por “Marc Laurendeau” y “Bruno Boulianne” previo a la triga d’o chefe d’iste partiu. “Le Parti québécois, l’affaire d’une génération?Continua llegint

Publicat dins de Uncategorized | Deixa un comentari

Haida- Aborichens d’as Primeras Nacions en Columbia Britanica (Canada)

img_02822Quan en 1778 plegoron en l’ueste de Canada os primers conqueridors britanicos (James Cook 1778, George Vanouver 1791) se i troboron tot un burguil de culturas y luengas indichenas.

Una costa ueste plena de etnias y lugars, que baixaba dende l’actual Alaska y arribaba en l’actual California. Muitas d’istas collas etnicas yeran rivals, teneban diferents luengas y esteticas rituals, a vegadas fruito d’o paische an que vivivan. Pero prou que yera una costa más rica, etnolochicament charrando, que l’este de America.aborichensprimerasnacions

O desembolique d’as culturas occidentals y o capitalismo ha feito achiquir istas culturas y luengas indichenas, y les han furtau lo suyo territorio. Fruito d’istos procesos as disputas por a esfensa d’o territorio han esdeveneiu en un buen zarpau de luitas indichenas en a costa ueste.

Ya en 2006 y 2007 a Sociedad de Guerreros Nativos aprestoron buena cosa d’actos reivindicativos contra d’as obras d’infrastucturas pa los Chuegos Olimpicos de Vancourver’10. Alavez veyoron como lo balance ecolochico iba a estar alterau y fería quasi imposible fer servir as tierras pa la caza, pesca u ceremonias.

Cada anyo lo gubierno canadiense invierte más de 100 millons de dolars en barallas legals pa restrinchir os dreitos indichenas. Por eix. pa derrotar una demanda d’as Primeras Naciones de Alberta tot mirando de recuperar as regalías petroleras robadas por burocratas.

Os tribunals d’o Canadá han fallau quantas veces a favor d’os pueblos aborichens, y han reconoixiu a sobent que as nacions aborichens tienen dreitos de caza, pesca y d’a tierra, en bells casos mesmo a propiedat absoluta en grans zonas d’o terriotrio no cediu en Columbia Britanica.img_12812

Con tot y con ixo, y a tamás d’as prebatinas de demonización de l’activismo aborichen; en o preto d’un movimiento nacional popular contra as arenas d’alquitrán d’os petrolers y os oleoductos que esnabesan os territorios aborichens, os canadienses son prencipiando a aliar-se con as Primeras Nacions que tienen fuertes dreitos legals y un apego a la tierra. Ells ufren una oportunidat más segura de protecher o medio amibent y o clima.

A imachen de l’alcalde de Vancouver, Steven, con os chefes aborichens a o suyo costau, charrando chuntos en contra d’un prochecto de oleoducto destructivo ye uno d’os millors eixemplos. Campanyas como #IdleNoMOre no puede estar oblidadas ni consideradas por demás. Si os movimientos de base son l’alazet d’a cultura aborichen, y ista creixe en enerchía y coordenadas d’activismo de “Esfensa d’a Tierra”, ista podría estar una fuerza poderosa que restablise as relacions aborichens en Canadá.

A’l cabo d’o campus universitario de Vancourver (British Columbia University) se troba o museu d’Antropolochía con una reproducción d’o poblau “Ninstints”, habitau por os “Haida”. Una de tantas collas aborichens que habitaban a cosa ueste dica l’arribada d’os europeus.img_20160927_1501142

O lugar ye una reproducción, como l’autentico situau en a isla de Haida Gwaii (traduciu Red Cod Island) – (Anthony Island) en a costa de British Columbia, en o parque de Haida Heritage Site. Continua llegint

Publicat dins de Uncategorized | Deixa un comentari

QUEBEC- Lo referendum y nacionalidat como unica estratechia debant d’o monolingüismo?

jasper2Quan charramos d’o Quebec nos vienen enta o tozuelo imachens de colonos franceses, pelletas, “ultimos mohicanos” y luitas federals por mantener a suya personalidat y luenga francesa.

Podríanos dicir que a ciudat de Quebec, no pas lo suyo Estau federal, si que da imachent de ello y mira de vender ixa imachen. No asinas a multicultural y cosmopolita Montreal, en o mesmo estau de Quebec. Un estau monolingüe francés en dentro d’o Canadá!img_07462

Prou que a baralla melitar ya estió perdida por Quebec y as colonias francesas debant d’os britanicos, en primeras en 1713 quan parti d’as colonias francesas quedaron baixo dominio britanico dimpués d’o tractau d’Utrecht. Y definitivament quan en rematar a Guerra Franco-India en 1763, y en sinyar o Tractau de París, Francia cedió Canadá y a mayor parti de Nueva Francia a Gran Bretanya. Ya sabemos que istos son os prencipals barraches pa la conservación d’as luengas.

Alavez se creyó que os francocanadienses joparían de Canada, tal y como heba sucediu con a expulsión d’os acadianos francofonos de Terranova que marchoron ta Luisiana. Pero os francocanadienses, que descendeban d’os primers colonos que heban veniu ta Canada en o sieglo XVII, i remanioron. Convertius en subchetos britanicos.

img_07472No sería dica 1774, quan l’Acta de Quebec, tornaría a adoptar o sistema legal francés. En 1791 os francocanadienses d’o “Baixo Canadá” tornoron a estar introducious en o sistema parlamentario britanico. Dimpués d’a unificación entre l’Alto Canadá y o baixo Canadá 1838, y dimpués de bellas décadas d’inmigración britanica, os canadiens francofonos s’heban convertiu en una minoría en Canada en 1850. No asinas en Quebec. Entre os sieglos XIX y XX muitos francocanadienses emigroron enta Nueva Inglaterra por factors economicos, y politicos. Pero claro, somos charrando de fa nomás bells 100 anyos!!img_07632

Os francofonos no rebloron, y dende 1968 o francés ha estau una d’as dos luengas oficials en Canadá, a unica luenga oficial en Quebec y una d’ellas en New Brunswick, Yukón, Nueva Inglaterra (USA), Territorios d’o Noroeste y Nunavut.

Lo francés ye idioma materno de quasi siete millons de canadienses, 22% d’a población d’o Canadá. Podemos dicir que ye dividiu en variedatz que han estau derivadas d’as circustancias historicas d’a emigracions enta lo suyo territorio.

Continua llegint

Publicat dins de Uncategorized | Deixa un comentari

(Castelló de la Plana) O miedo a la reversión y as politicas de compensanción lingüistica

IMG_20160704_125854~2Regular que quan naixió Alberto Fabra (PP-alcalde mientres 2 lechislaturas), por as envueltas de 1964 en a suya ciudat de Castellón, no se’n fería por veyer os cartels d’as carreras en castellano. Istos nombres no yeran los que feban servir a chent que charraban en a parla popular (catalán valenciano).

Dimpués d’a cayita d’a dictadura franquista muitas d’as ciudatz (no pas todas), an que l’emplego historico d’una parla diferent a castellano yera evident, decidioron de fer servir ixa nueva democracia pa revertir una historica discriminación lingüistica. Ciudatz a tot arreu d’o País Valenciá como Castelló de la Plana asinas lo facioron rotulando en valenciano. Ista luenga heba sufriu un firme retroceso mientres anyos d’imposición d’o castellano, pero pareixeban que unas midas decididas enta la suya reversión podeban salvar-la.IMG_20160704_130356~2

Manimenos, as conseqüencias de 6 lechislaturas consecutivas de guvierno de PP en Castellón (en consonancia con a resta d’o País Valenciá) han conllevau una conseqüent reculada d’a vitalidat d’o valenciano en Castellón. Tot caminando por as carreras de Castellón paras cuenta d’a nueva rotulación d’as carreras en castellano y valenciano (a mayoría sin quasi diferencias) en contraposición a la rotuación d’a primera etapa d’o post-franquismo con rotulación nomás en valenciano. Un sinyal que no fa que fer ficancia en as politicas de simplificación, espanyolismo y miedo a la reversión d’una luenga humillada mientres sieglos. Continua llegint

Publicat dins de Uncategorized | Deixa un comentari