A luenga alemana en a Incheniería Industrial (Rüsselsheim-Stuttgart-Köln)

Oficinals centrals de Opel en Rüsselsheim (Alemanya)

Dimpués de bells anyos apasiando-me por buena cosa d’industrias y clients alemans, me fería goi d’analizar a importancia y vitalidat en l’emplego d’a parla alemana en o mundo industrial.

J.C. Moreno Cabrera fa tiempo que escribe en os suyos estudios sobre “nacionalismo lingüistico” que una luenga no se impone por o numbro de parladors, sino por o suyo exercito y o suyo poder economico. L’anglés siempre en ha teniu os dos.

En o caso alemán, o suyo exercito estió derrotau por dos vegadas consecutivas en a I y II Guerra Munidal. Con tot y con ixo, a suya economia industrial exportadera, tan envidiada por Trump, fa de fayena en cuanto a o poder economico.

Fabrica de FORD en Colonia (Alemanya)- Río Rin

A luenga alemana ye charrada como luenga materna por bells 90-95 millons de parlants. Tot y que Alemania cuenta con 77,7 millons d’habitadors. Ye charrada por 10-15 millons d’habitadors como segunda luenga, y países como Austria, Suiza u Luxemburgo tamién cuentan con ista luenga como oficial.

A tamás d’o 13eno puesto entre as luengas más charradas d’o mundo. Si que podemos dicir que ye a luenga mas charrada por numero de charradors en a Unión Europea. Puesto que ya ostentaba antis d’a salida de UK en o Brexit, pero que agora ye mas claro, mesmo contanto os parladors no nativos d’anglés.

Advertisement

A integración en a ciudat que mas creixió en Europa en o sieglo XX, Vigo (Galicia)

En sentir una parola como “integración” ye susceptible de chenerar muito debate. Dica que l’Estau espanyol prencipió a recibir os primers migrants de difuera d’Europa en as anyadas 90’s, no s’heba fablau d’iste tema. Manimenos, de movimientos ñ’i heba habiu.

A dicir verdat, a migración ye un acto natural d’a especie humana, y a mayoría d’os animals. En a peninsula Iberica ñ’i ha habiu dende habe sieglos por razons relichiosas, laborals, politicas,… y sin ir guaire luen podemos referir-nos a os movimientos migratorios de metat d’o sieglo XX debiu a l’industralización d’as ciudatz. Ciudatz como Vigo, dica alavez con una población de bellas 30.000 personas, pasó en bellas decenas d’anyos a multiplicar la suya población por 10 dica 300.000 habitadors. O mayor creiximiento europeo rechistrau en o sieglo XX. A mayoría d’istos nuevos ciudadanos/as serían castellanos y/u provenients d’o mundo rural. Iste aspecto marcó a fisionomía d’a capital d’o sud de Galicia.

Río Minho, a buega administrativa entre Tui y Valença do Minho

Como todas y totz sabemos, as mugas lingüisticas son de difícil fer coincidir con as administrativas. Nomás a pur d’anyos y sieglos tallando as relacions entre dos costaus d’una buega se consigue trencar una relación historica como a d’o gallegoportugués. Con a imposición d’unas luengas allenas a la historia d’ixas tierras conseguimos también crebar a continuidat lingüistica entre dos países.

Iste ye o caso de Tui (Galicia) y Valença do Minho (Portugal), u a buega lingüistica entre o galego y o portugués.

En realidat estioron historicament a mesma luenga, que repobladors galegos levaron dica o sur d’a peninsula limpio repoblar as tierras conqueridas a musulmans entre a suya expulsión.

Quan charramos d’a importancia de no perder as variedatz d’una luenga, sin perder tampoco a suya perspectiva de pertenencia a atra luenga de referencia, como o galego u o portugués, charramos de no trencar as rilacions de muga que han existiu mientres sieglos.

Concas (Occitania) a historia d’una luenga unida a un sinyal y un territorio

De seguras que a dengún/a no se le habrá feito raro veyer un cartel como istos, tot recorrendo Occitania, mas que mas en o departamento “languedociano” u en l’artificial región administrativa “Occitanie”, pero tamién en qualsiquiera d’as zonas variedatz que arroclan a luenga historica occitana.

Una cruz y un fundo royo que se viene emplegando dende o sieglo XII como sinyal d’un pueblo, y una luenga. A dengún no l’estranya, en arribar en un nuevo destino de vacancias, u difuera d’o suyo contorniello, trobar-se con un cartel, una instrucción u toponimo, diferenciau con un sinyal que defina la suya luenga.

Fa bien poco surtiba uno d’os primers problemas, tot plegando as primeras prebatinas d’os concellos aragoneso-parlants por rotular instruccions en aragonés. O concello de Pandicosa heba publicau una serie de panfletos turisticos, editaus en anglés, francés, castellano y aragonés. A normalidat que suposa veyer uns textos acompanyaus d’o sinyal francés, anglés u espanyol, pareix que no’n ye tanta quan se tracta de marcar a luenga aragonesa (en iste caso en una

Portugal, un país enta un bilingüismo sin prechuicios

Placha d’Ericeira

Unos d’istos cartels d’as fotos no son de difícil trobar en os puestos mas turisticos de Portugal. Cartels en Portugués, Anglés, Francés y/u mesmo Alemán. No ye que no i haiga turistas espanyols, por un regular 1/3 en son, pero os portugueses rotulan en as luengas de poder europeas.

En iste caso no nos metemos en o caso d’as chicorronas (en numero de parlants charrando) parlas d’o norte d’Europa (holandés, sueco, finés,…) do a suya asunción de condición de minoritarios/as les fa prener a luenga anglesa con toda naturalidat en un bilingüismo de facto.

En iste caso somos charrando d’a luenga portuguesa, 7ena en o mundo por o numero de parlants nativos con 216 millons. Pero con un caracter d’humildat muito mas arraigau que no os 490 millons de parlants nativos de l’Espanyol.

Tramvía en Lisboa

Una gambada por as carreras de Lisboa, Oporto u a costa portuguesa fa idea d’a naturalidat con a que l’anglés va afundando en un pueblo historicament ubierto a l’exterior, y con una relación estreita con Reino Uniu. A evolución enta ixa sociedat bilingüe portugués-anglés penderá d’as dificultatz u favors economicas, pero podemos estar seguros que i arribará antis que no en Espanya.

L’anyo pasau, chusto quan Espanya pareixeba prencipiaba a salir d’a crisi economica mundial, que afundó firme en Portugal, l’Instituto Elcano daba a conoixer os datos d’una enqüesta, que curiosament mezclaba con a independencia catalana.

Os datos d’ista enqüesta apareixeban en abc y lavanguardia, uno con un 68% y atro con 78% d’os/as portuguesas que serían d’alcuerdo en que Espanya y Portugal avanzasen enta una unión politica iberica. Encara que i sinyalaban que os portugueses no se feban contentos por o tractamiento y a presencia d’as interpresas espanyolas en o suyo país.

L’Aragón desconoixiu en a historia internacional, Papa Luna en Avinyón (Provenza-Occitania)

Trobar-te con referencias a Aragón en uno d’os palacios más importants d’a Europa d’o sieglo XIV, en Aviynón, no ye casualidat. En ye uno d’a milenta d’eixemplos que te trobas por toda Europa. Manimenos, a indiferencia d’os foranos ye quasi comparable a o desconoiximiento con que os aragoneses/as nos hemos formau. O brinco a l’ambito internacional ye encara vetato por as escuelas y os medios aragoneses. Un apagón mediatico que no deixa pasar a Aragón de l’ambito peninsular.

En iste caso una inscripción en latín “ARAGONIA” entre os repuis d’os murals que decoraban o palacio, en as paretz que veyoron vivir a unos d’os zaguers Papas con residencia en Avinyón, Benedicto XIII, Papa Luna de Illueca (Aragón).

No ye que me faiga goyo d’estudiar y remarcar a historia cristiana. Pero cal dicir que Aviynón yera ta par d’alavez unos d’os tres puestos d’o mundo de más importancia pa o catolicismo, chunto con Roma y Cherusalem, y por consiguient d’influyencia en o poder mundial.

Estió residencia d’os papas dende 1309 dica 1377, quan a ciudat se trobaba baixo o gubierno d’os reis de Sicilia. En 1791 a seu episcopal estió incorporada a Francia mientres a Revolución francesa.

Perpinyán (Rossellón)

Teneba intrés en respirar l’ambient minorizau de la atro costau d’os Pirineos mediterranios. En conoixer cada vegada millor a situación d’Iparralde, me intrigaba saber qué serían fendo os nuestros chirmans catalans en l’administración francesa.

He quiesto fuyir de terminos irreals, y de recient creyación como PP.CC. u Catalunya Nord, popularizaus y creyaus en as anyadas 30-60, pero sin mica tradición historica ni asentamiento entre a población.

O Rosellón catalán pasó a formar parte de l’administración francesa a partir de 1659, dimpués d’o tractau d’os Pirineos en que se trestallaba a cordillera pirinenca en dos. Siempre he leyiu historias sobre ista división, en a famosa isla Irunesa d’os Faisans, y as conseqüencias que tenió en Iparralde, pero a verdat ye que en puestos como iste, u a Cerdanya catalana, tamién en tenió.

O bayo aragonés se deixa veyer en iste territorio, y ye que fació parti d’a Corona d’Aragón dende l’anyo 1172, con a intermitencia d’a creyación d’o Reino de Mallorca, quan Chaime I cedió o territorio a o suyo fillo Chaime II de Mallorca creyando o reino d’iste nombre chunto con as islas Balears. Ya en 1349 tornaría a la Corona d’Aragón con Pedro IV dica la suya inclusión en l’administración francesa con o nombrau tractau d’os Pirineos en 1659.

A mía visita, ista vegada, no pasaría d’a suya capital Perpinyán, por lo que no voi a opinar d’a resta d’o dominio lingüistico catalán en Francia, pero si que me

ANGLATERRA Y PORTUGAL, una alianza milenaria (O PORTO)

Nunca no i heba pensau antes, porque as noticias a las quals nos tienen feitos os medios espanyols no deixan pensar en una estratechia internacional portuguesa diferent a l’espanyola. Pero tot caminando entre as carreras d’a marguin cucha d’o Douro en o Porto, pareix trasladar-te enta l’Anglaterra industrial d’o sieglo XVII. Y ye que quan en 1678 Inglaterra y Francia dentran en guerra, producindo a conseqüent sequera de vin en o Reino Britanico, Anglaterra recurrió a os vins de Portugal, o suyo gran aliau mientres tres sieglos.

Antesmás a rechión d’o Douro, y Portugal, yera conoixida por os suyos vins, tintos y blancos, encara que yeran poco consumius difuera de Portugal. En 1678 comerciants de Liverpool adoptoron una tecnica empleagada en o monasterio de Lamego pa modificar o vin. Ista tecnica consiste en adhibir brandy a o vin mientres a fermentación, trencando asinas o proceso de fermentau. O resultau ye un vin con mayor conteniu d’alcohol (dica 25º G.L) y con una sabor mas dulza, debiu a o zucre remanent que no remató de fermentar-se. Muitos d’os barrals emplegaus en a fermentación d’iste vin se ferán dimpués servir pa dar-le a color caracteristica d’os whiskys escoceces.

L’exito d’ista mena de vin en Gran Bretanya levó a l’establecimiento de bellas casas vinicolas en Portugal, d’orichen britanico. A mayoría d’ellas posadas en a marguin cucha d’o Douro. Pa o sieglo XVIII bi heba un monopolio britanico de facto sobre a producción de “oporto”. Iste monopolio duró dica la fundación d’a Companhia Velha,

Québec y a suya revolución tranquila d’os 60’s dica hue

Tot lo mundo que en haiga quiesto estar informau, y más en zagueras, d’os procesos de “dreito a decidir” y referéndums a tot arreu d’o mundo, bella vez s’habrá mirau l’eixemplo de Québec y Canadá.

Los suyos referéndums d’autodeterminación en 1980 y 1995 son tot un sinyal de normalidat democratica. Fruito d’unas eleccions locals, an que un nacionalista “Parti Québécois”, liderau por o carismatico René Lévesque, ganó por mayoría en 1976.

A exclusión economica d’os francoparlants en Québec, estió considerada siempre un problema en l’antiga colonia francesa dica las reformas de 1960, a clamada “Révolution Tranquile”. O que alavez yera ministro de Québec, Jean Lesage, proponió a nacionalización d’a producción electrica. O gubierno creyó interpresas y bancas nacionals, y dimpués imposó lechislación pa reconoixer o dreito de treballar en francés.

En 1948 s’aprebó l’actual sinyal de Québec como oficial, y a luenga francesa sería cooficial, chunto a l’anglés, en Canadá dende 1968. En 1976 ganó as eleccions o “Parti Québécois”, de René Lévesque, qui empentaría a Lei 101, por a qual o francés sería l’unica luenga oficial de Quebec. En 1980, o referéndum d’independencia amostró un resultau negativo, con un 59.6% de votos en contra. Manimenos, ya de nuevas en o poder en 1995, tornó a convocar un referéndum d’independencia o 30 d’octobre, do o No a l’independencia ganó por nomás 54.000 votos y un 50,4% de sufrachios, con una participación que superó o 90% d’o censo electoral.

O 27 de noviembre de 2006, o parlamento canadiense, con o refirme d’o partiu en o gubierno, reconoixió a os “québécois” como “nación dentro d’un Canada uniu” en una prebatina d’aturar os deseyos secesionistas d’os partius independentistas; encara que en un sentiu cultural y social, y no pas legal.

Asinas, a provincia de Québec tiene atras 10 nacions de indichenas y inuit, reconoixius como tals por a suya Asambleya Nacional en a epoca de René Lévesque, y son tamién reconoixidas por o gubierno federal (As Primeras Nacions). Atras nacions en a provincia d’o Québec podrían tamién estar reconoixidas, como los “métis”, anglo-quebequeses.

Lo zaguer 6 d’octobre a Radio Televisión publica Canadiense, ICI RDI, en a suya desconexión “québécois”, estrenaba un documental feito por “Marc Laurendeau” y “Bruno Boulianne” previo a la triga d’o chefe d’iste partiu. “Le Parti québécois, l’affaire d’une génération?”

Haida- Aborichens d’as Primeras Nacions en Columbia Britanica (Canada)

Quan en 1778 plegoron en l’ueste de Canada os primers conqueridors britanicos (James Cook 1778, George Vanouver 1791) se i troboron tot un burguil de culturas y luengas indichenas.

Una costa ueste plena de etnias y lugars, que baixaba dende l’actual Alaska y arribaba en l’actual California. Muitas d’istas collas etnicas yeran rivals, teneban diferents luengas y esteticas rituals, a vegadas fruito d’o paische an que vivivan. Pero prou que yera una costa más rica, etnolochicament charrando, que l’este de America.

O desembolique d’as culturas occidentals y o capitalismo ha feito achiquir istas culturas y luengas indichenas, y les han furtau lo suyo territorio. Fruito d’istos procesos as disputas por a esfensa d’o territorio han esdeveneiu en un buen zarpau de luitas indichenas en a costa ueste.

Ya en 2006 y 2007 a Sociedad de Guerreros Nativos aprestoron buena cosa d’actos reivindicativos contra d’as obras d’infrastucturas pa los Chuegos Olimpicos de Vancourver’10. Alavez veyoron como lo balance ecolochico iba a estar alterau y fería quasi imposible fer servir as tierras pa la caza, pesca u ceremonias.